Congratulations News

Lawmpinak

Vuleicung ah Van (heaven) he a neih bik in a ummi, nitlaknak hmun, Canada ram in Lai tlangval pawl cu hnakruh kawl ah nichuak lei Thailand ram ah kal cio asi. Citizenship sawk in, passport zong hngak kho loin Travel Document an ituah lulh cio hna tiah thawng theih asi caah nicheulei, vanhram i a ummi Chins, nungak no tete caahcun Vanmi nih Virgin Mary sinah an phuan mi THAWNGTHA bantuk asi ko lai tiah ruah asi.

Pu. Sk Nung ( Rithik) bia bang in cangcel ai ah dollar hman cang ahcun nungak sio cu a rak har ruam lo. A cuh in icuh ko hna sehlaw a dawh! Cucaah, Canada Chin tlangval an nungak sionak Thailand hi US, Australia, Norway, Demark, le New Zealand Lai tlangval nih an I copy ve sual lai tiah a rannak in Copy Right siam hau phun in a um cang. Cu lo ahcun a dang pawl cu dollar tam tuk ngei hna kaw, a dawhmi, a pumrua a tha mi tbk tang loin an kan sio khanh dih ko lai. Cucaah, atu kal a timh mi zong i hnawh len ko u, last minute darkhing a awn hlan ah!


November le December thla cheu cu “Holy Moon” pei asi cu tiah Kitchener Lalkhal Tv. Ngun Mg Lian nih cun a ti, an ti. Asi ko lai. Lachawng bantuk in a nemmi, a lummi, zingchiar, zanchiar a ruat i, a ngeih tuk mi a darling Pari ttang cungah pei a hngilh lai cu, a mitku hna a thaw khun lai, zingka a thawh tik zong ah a mitku a cim khun lai, a fim khun lai tiah Ottawa in experience a ngei cia hna nih cun an ti.

Pa Lian Lawng hlah! “Calgary in Tv. Tial Kung, ( Salai King) CBCF an church chairman zong pei Calgary a phan cu pound 20 tluk a zawr cu” an ti. “Nupi ngei hnu cun keimah long ka si ti lo tiah kan khuaruahmi hi a kau deuh i khua thuk deuh vun ruat nak te hi a um” tiah, Canada Chin news agency sinah a chim.

Vancouver in an mino secretary zong 2006 – 07 February cheu tiang kha a khuasik a celh rua lo! 2007 dih lei khuasik, winter a chuah hlan ah “heater” a va damh ta tiah thawng theih asi ve. A nih hi ahmur ka theih asi lo nain a hmur tlawmpal zum deuh sehlaw a dawh an ti, dawp- piaktu ngei dawh asi.

Tv. Ngun Mg Lian nupi hi Helen Zoram Pari asi I, a pumrua cu special asi. Tih a nung nawn lai. Peih a thawng ding a lo, nain Pa Lian belte cu a tei lai lo, a tengh lalek ko lai.


Tv. Tial Kung a nupi hi Mang Doi Tial asi i, a min din cun “Manu’ tiah auh asi. A mui hi Korea nungak lo daw, Canada hna a phak tik cu, Salai Kung nih hna nih a palh te ko lai ti awk in a um. Market hna ah a hmuh sual ahcun khi-khi ka nupi asi maw tiah a pawmkam mi an hal sual hna ahcun rak hleng te u! Thang Thang le Tawk a te pawl kha!

Tv. Biak Hlei Thang a nupi cu Duh Chin Sung asi i, “anmah khua te bak pei a thit cu” tiah a min a thang. Nupi thit a thiam, amah bantuk te a tthi kho!


Thailand ahhin Hotel pakhat ah an pathum ning in ithumh rua hna kaw, an ithumnak hotel le chizawh tlik thawng hna a theih khawh ding bantuk asi rua i, an pathum ning in an si tikah “man-made earthquake” tlun dawh in a um ko rua. :)

Pathian lamhruainak thawng in an itimh-lamhnak bantuk in an saduhthah cio an khen pin ah an dawtmi an thaisung le cio he ithitumnak zong tlamtling tein an ngeih khawh hnu ah Canada, an umnak ram an phan than thawng kan theih caah lawmpinak cabia tlawmpal te ka vun tial.

Lawmpinak he,
Canada Chin

Congratulation News!

Kum saupi hmanh i tthen in lennak ram i dang hmanh sehlaw duhnak thlaici aa tuh i a kheu i vuleing tha, thinlung thupi chung ah hram a bunh cang mi duhnak le dawtnak cu zeitindah philh khawh asi ti lai? Thinlung chung ah hram a sih cang mi duhnak le dawtnak cu phoih ahcun a fak cang i celh awk a tha ti lo. Kum 10 hmah liam cang sehlaw tang 9 a kai lio i duhmi (Chantei) i cu Chin Canadian, Calgary i a um mi tlangval Van Lal Dika thinglung ah cun nifa tin a thar zungzal ko i, zinzan nawn pek in ti a tawih lengmang. Nungak tampi nih helh hum in hnahnawh (bother) lengmang hmanh hna sehlaw a thinlung ah hram a sih i a nung cang mi lengdawh Chhantei a duhnak cu phoih in hlawn awk a tha ti lo. Cucaah a umnak nitlaknak ram in rili (ocean) le tlang tampi pin ah a um mi a dawt tuk mi nungak Chhantei i cu February 4, 2007 ah Delhi Khualipi New Delhi ah thitumnak a tuah cang. Rev. C. Aichhunga nih Pathian sinah thluachuah hal piak in kutsih lehthahnak cu a tuah piak hna.

Chhantei cu Kaley University ah Myanmarsa major in degree a lak hnu ah TSO operator a tuan. TSO cu Tahan ah computer cyber café dawr asi i internet a hngak pin ah computer basic a chim pah hna. Cucaah technology lei talent a ngei mi ngaknu tha zong asi. A pumrua a that pin ah a mui a dawh. Tahan ah cun Tahan B group Nula tiah a min a thang ve mi asi. Technology hi zei tluk indah a hmun hma a kau i communication a cak ti ahcun Tahan a um lio 2006 ah keimah he cun chatting in kan i chawnh lengmang cang mi nungak asi. Internet cun ka hawi kom tha ngai asi ve. Nungak chat a thawng tuk ka ti hlah u Dika nih a ka introduce hnu long ah ka chat khawh mi asi.:) Cathiam, le mifim asi tikah komh a nuam tuk, Hakha holh hna a thiam ngai fawn. Mi tluangtlam asi fawn tikah Dika cu hnar a um ngai ko hi.:) Pathian sinah thlacamnak in a hal i a hmuh mi nungak dawh sisehlaw a dawh.:)

Pathian nih a fonh mi nupa an si bantuk in a umnak ramthar Canada ah a hruai khawh zaunak ding hi Canada Chin nih kan duhsak mi asi bantuk in Pathian nih an thil tuahnak tete ah lam tluangnak pe hram ko hna seh ti hi kan thlacam piaknak asi. New Delhi ah caan zeimaw zat, kum thum chung a khawmmi (energy):) cu a hman hnu ah March 27, 2007 ah Canada, a umnak Calgary a rak phan than i a Nupi Chhantei belte cu New Delhi Anand Dawr cung apartment hlan piak in a kal tak tiah Canada Chin nih thawng kan theih. Pathian nih tefa tampi pek in hmailei an nunnak ah an lam hraui ko hna seh tiah lawmpinak cu Canada Chin nih kan vun langhter.

Pu. Van Lal Dika cu kan theih dih bantuk in Pathian lei aa zuam ngai mi asi i Delhi Burmeses Christian Fellowship zong ah caan zeimaw zat mino upa rian a tuanmi asi pin ah Canada a phan hnu zong in 2006 ah thawkmi Chin Christian Fellowship of Canada zong ah Co- coodinator a tuan lio mi asi.

Smowan
Canada Chin