Congratulation News!

Kum saupi hmanh i tthen in lennak ram i dang hmanh sehlaw duhnak thlaici aa tuh i a kheu i vuleing tha, thinlung thupi chung ah hram a bunh cang mi duhnak le dawtnak cu zeitindah philh khawh asi ti lai? Thinlung chung ah hram a sih cang mi duhnak le dawtnak cu phoih ahcun a fak cang i celh awk a tha ti lo. Kum 10 hmah liam cang sehlaw tang 9 a kai lio i duhmi (Chantei) i cu Chin Canadian, Calgary i a um mi tlangval Van Lal Dika thinglung ah cun nifa tin a thar zungzal ko i, zinzan nawn pek in ti a tawih lengmang. Nungak tampi nih helh hum in hnahnawh (bother) lengmang hmanh hna sehlaw a thinlung ah hram a sih i a nung cang mi lengdawh Chhantei a duhnak cu phoih in hlawn awk a tha ti lo. Cucaah a umnak nitlaknak ram in rili (ocean) le tlang tampi pin ah a um mi a dawt tuk mi nungak Chhantei i cu February 4, 2007 ah Delhi Khualipi New Delhi ah thitumnak a tuah cang. Rev. C. Aichhunga nih Pathian sinah thluachuah hal piak in kutsih lehthahnak cu a tuah piak hna.

Chhantei cu Kaley University ah Myanmarsa major in degree a lak hnu ah TSO operator a tuan. TSO cu Tahan ah computer cyber café dawr asi i internet a hngak pin ah computer basic a chim pah hna. Cucaah technology lei talent a ngei mi ngaknu tha zong asi. A pumrua a that pin ah a mui a dawh. Tahan ah cun Tahan B group Nula tiah a min a thang ve mi asi. Technology hi zei tluk indah a hmun hma a kau i communication a cak ti ahcun Tahan a um lio 2006 ah keimah he cun chatting in kan i chawnh lengmang cang mi nungak asi. Internet cun ka hawi kom tha ngai asi ve. Nungak chat a thawng tuk ka ti hlah u Dika nih a ka introduce hnu long ah ka chat khawh mi asi.:) Cathiam, le mifim asi tikah komh a nuam tuk, Hakha holh hna a thiam ngai fawn. Mi tluangtlam asi fawn tikah Dika cu hnar a um ngai ko hi.:) Pathian sinah thlacamnak in a hal i a hmuh mi nungak dawh sisehlaw a dawh.:)

Pathian nih a fonh mi nupa an si bantuk in a umnak ramthar Canada ah a hruai khawh zaunak ding hi Canada Chin nih kan duhsak mi asi bantuk in Pathian nih an thil tuahnak tete ah lam tluangnak pe hram ko hna seh ti hi kan thlacam piaknak asi. New Delhi ah caan zeimaw zat, kum thum chung a khawmmi (energy):) cu a hman hnu ah March 27, 2007 ah Canada, a umnak Calgary a rak phan than i a Nupi Chhantei belte cu New Delhi Anand Dawr cung apartment hlan piak in a kal tak tiah Canada Chin nih thawng kan theih. Pathian nih tefa tampi pek in hmailei an nunnak ah an lam hraui ko hna seh tiah lawmpinak cu Canada Chin nih kan vun langhter.

Pu. Van Lal Dika cu kan theih dih bantuk in Pathian lei aa zuam ngai mi asi i Delhi Burmeses Christian Fellowship zong ah caan zeimaw zat mino upa rian a tuanmi asi pin ah Canada a phan hnu zong in 2006 ah thawkmi Chin Christian Fellowship of Canada zong ah Co- coodinator a tuan lio mi asi.

Smowan
Canada Chin

Congratulation News!

Canada Chin

Atu zan March 13, 2007 cu Kitchener Chinmi khuang an cawi lai ti a fiang. Kitchener in minung pakhat nih report a vun pek ning ah Mr. Peng cu a hmur a cip kho ti lo, a haa rumro a lang ko a ti. Zei ko hen super 7 maw a poh ka ti hnik i "a darling maw tuzan a phak ai kun a nih rumro a chuak ko e" a ti.

2006 summer i Kitchener ka kal lio ah an inn va pal lo in Ottawa kal than ding cu tiah ka va leng ta hna. Zei ko thawng hen innchung ahcun an tuah ka ti lio ah buaicur "Ihkhun" cu a rak ser len ko. Zei hrang ah hen cu tia tia ihkhun cu na ser tiah ka ti hnik ah Vante nih "Thailand in a tlun hnu cun Ihkhun ko hi ngiar kaw, cucu a tuah ko hen hi" a ka ti. Special in a tang lei he a kam lei he, aa hnin kho lo ding in ka khenh chih viar. Kum khat a rau cang mi Ihkhun a sermi cu nihin long in tha tein a hman khawh lai tinak asi.

A darling hi Lily Par an ti i tang 7 a kai lio ah ka rak uar cang mi asi rua. Asi nain a mirsir long in a rak zoh ton sehlaw a dawh! Sihmanhsehlaw, nihin ahcun Pathian samhhrisih an si cang bang in a umnak ram thar ah a hruai khawh cang caah Canada Chin nih lawmpinak a vun langhter ve. Pathian nih hmai lei an thut, dirhnak ah lam hruai zungzal ko hna seh!

Mr. Sknungthang cu a Mah tein a it ko rih lai!

Lai Van Nun Thang zong a thli tein Thailand ah a rak chawi diam. An ka thei rua lo ati nain lawmpinak cu kan vun tial colh ve lai.

Vana darling hi a min cu Ngun Men Tial asi. Rangoon ah B.Th a awngmi asi fawn. Canada Chin nih interview a tuah ning ahcun "2003 lio ah Rangoon thla 3 a um chugn ah ka char mi nungak asi" ati. "Hmasa bik kan itonnak cu Church asi" tiah a chap. Kum saupi thinlung dang veve an ngei hnu ah Pathian nih ton thannak caan a ser piak hna i, cucaah Thailand ah a va thit ve cu asi. A umnak ramthar Canada ah a hruai khawh zaunak hi thlacam bawm cio hna usih!

Kawi Peng le Vana Thailand i an darling le he an iton hmasa lio hi video shots phu asi tiah a hmu tu hna nih cun an chim. Canada Chin news collector nih cun detail tein a thei dih ko nain kan phuanpiak sawh hlah! Darling reject hna kan ton ai kun, hnu deuh ah na phuan te lai ti asi i cucaah aa chiah ko rih! Vana le Kawi Peng nih cun vuleicung ah Thailand a nuam bik an ti. Zarh Dih Bia Thiang editor nih aa thawh ve i vuleicung ah Delhi a nuam bik a ti ve. Thailand le Delhi a nawmhnak ding hi ka tuak tikah ka lung a pem mi a um. Cucu Kawi Peng, Thailand ah an nu he an um ti lio i mail box ah offline message a rak chiah mi a um. Zeitindah a chiah ti ahcun;

"salaipeng2002 (6/14/2006 2:27:39 AM): Kadua

salaipeng2002 (6/14/2006 2:28:00 AM): Kai menh lo tuk lengmang le asi. Nupi tthit cu na theih ko la. Hehehehehhe..

salaipeng2002 (6/14/2006 2:30:05 AM): Phone hna na ka chawh ding asi ah cun.. 66-7998-2182 asi lai"

Lolz; Nupi cu ka thi rih lo nain ka hei theih piak thiam ngai ko hehe i, zei he Thailand cu a nuam lai lo le, ti khawh asi. Delhi khua lin le khuasa hna cu zeitin hen Snow lak i a chiahmi kawi dawt nih cun a care len lai?. A nuam chin lai asi ti khawh asi ve.

Lawmhpinak he,

Asang, Ottawa