KCCF Changes to CBC

KITCHENER CHIN CHRISTIAN FELLOWSHIP CU CHIN BAPTIST CHURCH AH THLEN A SI NAK KONG THEIHTER NAK LE THAWNGTHANHNAK

Kitchener Chin Christian Fellowship Konglam tawi

Kitchener khua, Canada ram ah Chin miphun hna kan phak hi kum 2003 in a si i chungkhar 6 hna hi Malaysia lei in a rak phan hmasa mi an si. Pathian lam hruainak thawng in, Chin miphun kumkhat hnu kumkhat Malaysia in siseh, India lei in siseh, cun Canada ram hmun dangdang in fuh a hung si. Cu ti cun Kitchener velchum Chin Miphun hna cu hung karh deuh a si.

Chin miphun cu Pathian aa thim mi miphun kan si bantuk in, kan phaknak hmun paoh ah kanmah (Chin) holh te in Pathian thangthatnak ngeih cio a si. Cu ve bang Kitchener khuasa Chin miphun hna zong, Pathian hmunkhat te ah thangthat dingah, November 14, 2004 ah Kitchener Chin Christian Fellowship ( KCCF) cu dirh a si.

2003 – 2005 kum dongh lei tiang hi zarhpini paoh inn khat hnu inn khat in pumhnak ngeih a si. Thil sining zoh in siseh,cun Kitchener khuasa pawl zong hung tam deuh a si caah siseh, November, 2005 – November 2006 tiang hi Hall khan( Dining room) ah pumhnak ngeih a si. November a dongh lei ah, relrem lonak a um caah, hall khan ah pumhnak an kan sianh ti lo. Cu ticun awlokchong vansang in um a hung si. Upa pawl nih mirang Biakinn hlang ding in kawl a si nain, hmuh a si lo caah, khualbuk (immigrants) pawl donnak reception house ah December 3- 17, 2006 tiang hi pumhnak ngeih a si.

Abit deuh caah, First Hmong Mennonite Church( Laos) pawl chimhchawnh an si. Lungtho tein cohlan a si caah, December 24,2006 in nihin tiang First Hmong Menonite Church 93, Doon road ahcun pumhnak ngeih a si. 2004- 2005 tiang hi laireltu upa hna thithruainak in kal a si.

KCCF Dan le Dun kong le A riantuanmi tete pawl

Fellowship dirh a si cang bantuk in le ningcang deuh le thawng deuh in karhlan khawhnak ding caah, tiin 2006 kum in Fellowship Excutive Committee( Khrihfa upa), Nubu hruaitu, Mino hruaitu, Sunday school tbk zong mipi nih thim an si.

Mibupi kan si bantuk in Fellowhip chung chiatni/ thatni le a dangdang riantuan aherhmi tete ah ning le cang tein rian a kal khawh nakhnga tiah ithit-hruainak phunglam cu 18 March, 2006 ah zapi hnathlak le Pathian sin thlacamnak in hnamhnget a si.

Cu phung le lam ning in khrihfa bu chung riantuantu hna nih, EC meeting, General Meeting, Conference, chiat/thatni le a herhmi adangdang rian pawl cu kalpi a si. Acunglei i, meeting lak ah Conference hi KCCF ithit-hruainak ah nawlngeihnak sangbik a si. Conference hi kumkhat ah voikhat lawng tuah a si. 2006 kum dihlai ah KCCF Conference cu Pu Hup Mang( Chairman ) le Pu Kap Sen( Secretary) hruainak in tuah a si. Hi conference ah Fellowship in um peng cu a rem lo, Krihfabu(Church) in dirh sisehlaw tiah agenda pakhat ah ceih a si. Ni le caan nih a detkhawt deuh caah, 2007 Krihfa upa kut ah cung chanh le ceih than te ding in biafun a si. Cu conference biakhiah ning cun, April 21,2007 ah ceih a si than. Nain thil sining le zapi ruahnak zoh tikah, atu hi biafunnak tuah lo in, avoi(2)nak General Meeting ah ceih than siseh tiah biakhiah a si. Cu biakhiahnak 21/04/2007 – Biachahnak (3)nak bang in, November 24,2007 ah tuahmi a voi (2)nak General Meeting ah chuahpi than a si.


A voi(2) nak General Meeting nih a chuahpi mi biafunnak

Hi a voi(2) nak General Meetingpi hi a biapi ngai ngai in riantuantu Upa hna nih an ruah caah ceihkhan dingmi Agenda he sawmnak ca zong Krihfabu Inn kip ah phawt le theihternak ngeih a si. 24/11/2007 ni i ttuahmi General Meetingpi nih Krihfabuu(Church) dirhnak kong ah a chuahpi mi biafunnak hna cu a tanglei bang in an si:-

Note: Meeting tuah hlan ah hi Meeting hi mipi nih pommi Meeting a si le si lo hal dih hnu ah zapi hnatlak nak in hi Meeting hi pommi Meeting a si hnu lawng ah Meeting thok a si.

Agenda 3/A. Fellowship in Church dirhnak kong ah a tanglei bantuk in Mee thlaknak ngeih a si.
(a) Church dirh duhmi : Me 28
(b) Fellowship : Me 3
(c) Peme : 2
(d) Neutral : 2
Church dirhduhnak lei in Me 28 a hmuh caah Church dirh ding in kan hna a tla.

Agenda 3/B. Church min bunh ding in hnatlaknak ngeih a si bang a tanglei bantuk in mipi lei nih propose(duhmi chimnak) ngeih a si.
(a) Chin Christian Church : Me 17
(b) Chin Baptist Church : Me 20
(c) Chin Christian Fellowship Church : Me 1
Note: Chin Mission Baptist Church propose tuah a si nain a tuahtu nih a lak tthan.
Chin Baptist Church nih Me (20) a hmuh i a sangbik a si caah Chin Baptist Church dirh a si cang tiah hnatlaknak ngeih a si.

Cu caah Kitchener Chin Christian Fellowship cu 24/11/2007 Ni in Chin Baptist Church ah thlen a si cang tiah thawng kan in thanh hna.


Bawi Krih ah nan rianttuan hawi,




Pu Thawng Hu Pu Than Aung
Chiarman Secretary
Kitchener Chin Christian Fellowship Kitchener Chin Christian Fellowship




Copy to: Office file

--------------------------------------------------------------------------------------
Below letter was responding to above Statement of KCCF offcial's press release, by former Chiarman of KCCF Pu. Hup Mang.

NC HupMang wrote:
Than Aung le Careltu vialte,

Hi kong he pehtlaih in a tlawmpal te catial ka duh ve micu, kei hi Kitchener ah a um mi ka si ruangah ka rak tial duh nak hi a si. A ruang hi i, pheh lo te'n tial ko hna uh sih law, Hi thil a chuahnak hmun, Baptist a hrampi hi US in laimi nih bochan awk ngai ah kan ruah mi hna kan pa le sin in thil a chuakmi a si. Kei ka ruah ning ahcun kan pa le a si mi nihcun Chin mi kan umnak paohpaoh ahcun kha zeikhawm a si ah lungrual te'n Pathian thangthat tti hi a tha bik ko tiah an kan cawnpiak theu lai tiah ruahnak ka ngei. Sihmanh sehlaw an mah an kal pi ning hi keimah ka hmuh khawhtawk ahcun Baptist longlong hi an ttangh i, buu dang hi zeihmanh ah an rel ti lo.Baptist dirh i, mah le mah Buu pehtlaihnak kong long long kha cawnpiak kan si.

Cu caah Kitchener i, Laimi kan kong hi nan theih ve dingah ttial ka duh ve. Laimi cu nantheih cio bantukin khrihfa kan si caah kan phannak hmun hma paohpaoh ah hin buu dangdang kan si zongah hmunkhat te'n pathian thangthat tti hi a sunglawi bikmi a si hlei ah kanlung a rualkhawh biknak a si fawn. Kan mah zonghi Kitchener Chin Christian Fellowship tiah kan rak dirh lio ah hin minung pahra hrawng kan si na'n kan biaknak hi a dang cio caah buu nga hrawng kan si. A Buu min bunh ahcun kan mah minung tlawm te kha a thenthek viar ding kha kan si caah zaapi lungrual te'n Pathian thangthat tti hi a tha bik ko tiah ruahnak kan ngei caah (K C C F) Kitchener Chin Christian Fellowship tiah a min hi kan rak bunhnak a si.

A tanglei an ttial mi kong he pehtlaih in tial ka duh micu kan khua chungah zeithil dah kan ton te lai ti hmanh tuak kho ti loin Kan pa le bia kha, hruh ttangh in an ttang kha thawng kan theih i, Fellowship chungin a cheukhat pawl cu Meeting kan kai kho lo kan mah cu Fellowship ah kan tang ko lai tiah an rak ti.

Cun a tu thawng thanhmi zong hi Fellowship kha CBC min in thlen si loin Fellowship chung tu khan CBC hi an kan chuahtak timi thawng kan thanh ve hna. Kawl phungthluk i, 'Nga khungmah tahkawng tahle lungpooh'. timi le' Rangtha lo nih a hri a chah' timi tuan bia hi kanmah Kitchener ah thih hlan chung philhkhawh lo dingin kan tuanbia le kan rolung kan ni tial tu hi a si.

Hup Mang
Kitchener.
Canada.