CHIN NATIONAL DAY
59th Anniversary
Kitchener, ON


Mirang holh vun i hlan ahcun “The largest City of Canada of Chin” i Chin miphun hna nih Chin National Day an tuahnak kong cu tial lo awk tha lo in a um. Ottawa val nihcun 20th Feb hmai le hnu i tuah cu advance asi e a ti biak len sawh hna nain a lung chung te cun Chin National Day an tuah khawh cu a rak lawmpi thiam hna.

An program hman ning cu an convener Pu. Chan Cin Ceu le Pu. Cung Lian Bik nih an vun post mi rel tikah lung a hmui khun ko. Pu. Ral Lian kap zong CND te ahcun a holh ah-aa lem lo, a nal ngai te an ti. Pi. Dar Cin zong a nungak lio nak in a ral a tha deuh somo rua. Caan tlaitu an thiam ahcun an puai cu a nuam sawh lai. English announcer John Bosco hi English a thiam bak mi asi fawn.

Vuleicung ah CND cu kakip le ram kip ah tuah asi. Sihmanhsehlaw, “A Dia Dia e Dia Dia e” ti lam hi Kitchener lawng nih lam hna sehlaw a dawh. Mah an lam ko hi hmuh ka duh hna. 2006 CND ah Ottawa Van Van Pa nih hla do a thawh mi, “ka celh hrim lo e mang Hliang” ti mi cu lam i a dawh tak tak ve. Tukum belte cu a rian tuan he asi tikah a hla do a thawh kho ti lo. Kitchener pawl an lam a dawh khunnak cu Hakha, Falam, Cho, Zo um loin an zapi tein an lam dih tikah zoh an dawh khun. Former US president Clinton nih US flag a dawhnak bik cu colour tampi in a tial caah asi a ti bantuk in colour tampi, thuam kip he an lam tikah a dawh khun in hmuh asi.

Music instrument le hlasak lei cun a tlei rawl lio ah a zuah a zuah i a upa hnu ah a larmi nungak Sui Tin Fam nih a thut hnawh ko hna. Tleirawl, music lei cun a talent tak tak mi Mawite a nih a um hnawh fawn ko hna. Hlasak thiam ah Sang Sang, Vana, KK, tbk khi thah cawk lo an um fawn. Pa Nawl zong hla sak ve a timh hnik nain an nu nih a thloh le asi an ti. Pa Lian tal nih a sak hnga lo maw ka rak ti len.

Ottawer nih soisel awk a kawl tikah a hmu lo. A mah belte an lupawng belte cu a sau tuk tik ah "cu-ta" minung pawl an lo ngai. Pipu hna nih lupawng an rak i pawng mi bantuk in lak i tuah mi asi tikah "lupawng" cu a lo ruam ti lo. Mirang, minak le tuluk pawl nih cun Chinmi hi, hi bantuk lu-khuh pipi hi maw an rak i khuh hna hnga an ti ko lai. Tawi deuh te zong in tan awk! Cun an banner zong zoh tikah khoika maw garbage ah va char chawm hna sehlaw a dawh.

.................................................CHIN NATIONAL DAY
.....................................................59th Anniversary

......................................Kitchener................20th Feb 2007
.............................................................................Celebrated on 17th Feb 2007

Hi bantuk hin tial hna sehlaw an stage zong a tarnak a rem tuk fawn tikah a dawh tuk hnga. “The 59th anniversary of Chin National Day” ti ahcun one line long in sisehlaw a dawh hnga nain line khat ah a tlum fawn lo tikah a dawh ti lo. Banner a dawh le dawh lo nih mipi audience thinlung aa dang ter ngai ve mi asi. Hi vial hi sisehlaw, lawmpinak hna ah ka vun tial mi asi ko.

http://build.webspawner.com/scripts/v3/build_v3.pl?process=saveimage&userid=lairam&password=thawngbawi&page=index&image=Zophei+lam%2Ejpg&db=&n=f

Chin National Day
59th Anniversary
Ottawa, Canada


20th Feb 2007, Chin National Day cu Ottawa khuasa Chin miphun hna nih sunglawi khun in 21 Bronson Centre - Mac Hall ah zanlei suimilam 3:30 in 7:00 pm tiang cawnglawmghnak puai cu kan tuah. Ottawa khuasa Chinmi hi 80 fai long kan si. Sihmanhsehlaw, Karen le hawi kawm dang, mirang tbk nih a kan chuahpi caah minung 100 nak tam kan si.

Lawmhnak;
Chief Guest ah kanm sawmmi Pu. Lian Uk (MP) cungha lawmnak lianpi kan ngei. Abik in caan sung a kan pek i kan sinah CND a hman cu Ottawa Chinmi a kan dawt caah asi.

Chin National Day tlamtling tein kan tuah khawhnak cu Ottawa Chin Miphun pakhat cio an felnak le an i zuamnak thawng in asi bik. Cucaah pakhat cio nan cung ah lawmhnak hi chim lo awk a tha lo. A bik in mipi sinah lawmnak bia chim cawk lo a um fawn. Caan pek in kan tuah mi puai ah tling tein nan vun chuah khawh hi riantuantu tha a dam ter i lung a hmui fawn. Cucaah atu bantuk nan lungput te hin hmai lei zongah keimah ka tel lo ahcun ti mi ruahnak he hi bantuk puai pakhat khat ah caan pek khawh cio i zuam hna usih!

Program;
Ottawa Chin National Day cu caan tleitu nih awnnak a thanh hnu ah Pi. Ni Chir thlacamnak in caan cu thawk asi. Caan tlaitu ah Pi. Tin Tin le Val Za Kung LaL an si. English, Burmese le Lai in an chim. Program tleh an thiam i mipi thinlung cu an kan hip ko. Nungak Van Rem Hiang nih Celebration Committee nih chuahmi Chin National Day Statement cu a rel. Chin pasaltha upatpeknak a dih in Chin Upa Pu. Sui Ceu, Pu. Ning Kee le Pu. Tha Zul nih bia chah tawi an kan chim hnu ah Pu. Lian Uk (MP) Chief Guest cu bia chim ding in sawm asi. 1st Section cu Co-convener Pu. No Kio Bik lawmbia chimnak in khar asi.

Second Section ko hi mino nihcun an rak i ngeihmi asi. 4 minutes relax caan an vun awnh in Val Peter hla saknak in second program cu an vun thawk than. Nungak Sui Nuam le Pu. Ni Lian Sum nih caan cu an tleih i English, Lai le Burmese thiam in an chim. Nungak tlangval nih cultural dance cu an lam. Music entertainment cu rawl ei hlang chung vialte continually in an cheih.

Mac Hall hi 2:00 in awn asi cang. 1st ah PowerPoint presentation cu a rak chuah cam zoh awk ah piah piak asi. PowerPoint presentation cu Chin history Timeline in kawl chung kan luh ning le kan nun phung vialte cu a tel dih. A dih in ram hla - video cu program thawk hlan vialte piah asi.

Caan kar lak ah Luckey tickets awnnak asi i prizes 5 hleit te an tuah. Mipi aukhuang thawng a thang deuh caah zeihe an au timi zong ka thei kho lo. Arh ko in ka number hna an chim sual lai maw ti long ka bawh ve. Asi nain a dih tiang ka number a tel lo. Dinner nih a vun zulh I rawl cu ilak cio in mah duhnak paoh ah thut asi. OCBF Nubu pawl nih an chummi asi tikah a thaw khun ko. Kan chief Guest cu a hmur a tlawr ngai. A lung hmuih chuah chuah lai ka ti ko. Rawl ei chung vialte nungak tlangval cheukhat cu hman an rak i thlak. Music an chuah pah. Life Insurance Company in Miss Connie Tang nih Chin National Day gift pa hnih a kan put. Cucu free ticket in mipi kan paoh ter hna. Ngakchia nu te le Mirang nu nih an poh i an i lung hmuih ngai.

An rawl ei chung cu a sau pah. Ottawa Chinmi hi Pa lian pi cu an um lo nain rawl cu an cheih kho ngai hna. “Ei le din thazaang ca” an ti i Pa Tung No tal a that hnemh hna hnga maw ti ka ruat.

Rawl ei nih cun lawi viar ko hna sehlaw thil fim diam usih ti long ka bawh. Ka rak cei pah ziar. Sihmanhsehlaw, program a dih maw? Zei he kan tuah rih lai tiah an au len. Lawi cu an duh ruam ti hna lo. Ka lu ka kheuh i zei he kan tuah ti lai ka ti hna. Mipi panga ruk an au i “ziah kan lam lai lo maw?” ti asi ko. Speaker cu ka lak I a hmai ah vun chuak ulaw a donghnak Farwell lam hna usih ka ti hna. Pu. Lian Uk nih hla “Sal Caan kan Zuam hrim ti rih lo” ti kha a vun i thawh i “Rung” tiah a hmai ah an vun chuak i kutsih in kan lam hna. Kan i then lai i kan lo ral dih lai ti bang ngaichia nawn in an um dih hna. Ngol cu an duh ti ruam lo nain Music cu ka phih, kan ka zoh dih. Zei he cu pa cu a tuah ti bang khin….Lawi a cu cang ti kha an philh diam ai..
Ram leng ah tam deuh cu weekend ah tuah asi. Ottawa cu a ni te ah kan tuah nain mi kan tling ko tung? Kan thinlung nih weekday cu tiah a tih caah asi ko rua. A caan a phak tak tak ahcun awl tuk in caan hman asi ko. Cucaah khoi ka maw in aummi Chinmi vialte hna a ni te ah tuah hi practice a hau rua. Rak practice cio u.

STATEMENT OF
THE 59TH ANNIVERSARY OF
CHIN NATIONAL DAY

Chinland never had been under any foreign colonial rule until when the British annexed and occupied the whole of Burma in 1896. The Chins together with other nationalities took part bravely in fighting for Burma’s freedom. When Burma gained its independence in 1948 and following the declarance of independence on January 4, 1948 Chin National Day was celebrated enthusiastically in Falam the then Capital of Chinland with the leadership of a Chin genius patriot and the first Minister for Chin Affairs Council. The celebration lasted for three days from 19th Feb to 21stFeb. From far and near the celebration was overwhelmingly attended by more than 5000 people together with Representatives of the Assembly across Chinland. On this 20th Feb of 1948 was voted down and abandoned the Feudalism and Despotism by the Assembly and whence democratic form of administration was established. It is thus really a historic milestone for all the Chin people throughout the whole Union of Burma.

Having tremendous attachment to their original motherland our forefathers sacrificed many lives in defense for their territorial soil and societies. Truly this National day brings the unity, mutual understanding and respect for each other’s national integrity and dignity since the Chin population consists of Zo, Lai, Cho, Khumi, Asho and Mizo without which of the mentioned tribe or nationality could not accomplish the Chin population.

Now a days as we all know very well the fight for Democracy is still going on and the Nobel laureate NLD leader is still under house arrest. While traveling through this tough journey we should be aware that the struggle is merely not for the benefit of one special Nationality nor Organization nor Individuals nor Groups, but it is for the rights and benefits for the whole Union and all Nationalities small and great alike. We therefore strongly oppose and condemn corruption, selfishness, exploitation and partiality.
On this special occasion it is appropriate and worthwhile to put forward and enforce to adopt the following concept for the uplift of National spirit, such as

· Righteousness and Honesty
· Equality and Generosity
· Non violence and Peaceful strategy

In conclusion, on this 59th anniversary of Chin National Day we the Chins in Ottawa solemnly urge that all the Chin people across the world to commemorate our auspicious Chin National Day now and in the years to come with the spirit of Unity Patriotism to restore a genuine Democracy in Burma, which only can guarantee and protect the Rights of every ones nationality.


Celebration Committee
59th Anniversary of Chin National Day

Ottawa, Canada

20th February 2007

HLAREMH DAWH

Chin Miphun a daw mi vialte hna kan Bawipa Jesuh Kri min in Chin Baptist Church Youth, Ottawa nih nan kut kan tleih hna. CBCY nih caan saupi lak in Choir Hlabu a chuahmi cu tlamtling tein a chuak cang. Choir hla bu cu a tha bak. Na dawtmi nan khua Mino Choir cu "Ro Thil" caah na hlut khawh hna. Minute 5 te caan lak in hlabu a that ning a tang lei hi vun zoh ta.

A That Ning Background
Hla Thar lawng te G. Biak nawl, Hniang Ceu le Nun Chung fung 150 phaisa pharh in kan phanter hna. Ramdang ah hla cawn a har tuk caah a cawn a fawi ding in kan request hna. Krifami nih kum khat chung Events kan hman ning, New Year, X’ mas, Eastern, Mother’s Day, Father’s Day, youth, thanksgiving tbk chronological order in kan phan ter hna. An mah zong nih an phan mi an ilung hmuih bak ve.

Cauk Quality
Kan hla cauk hi ro thil pakhat ah i chiah ding hi kan duh mi asi caah a ttek colh ding cu asi thiam hrim lo. Cucaah Rangoon ah paper a tha bik mi kan hman ter hna. A tha bik foreign paper kan hman tiah an ti ve. Cover hi biapi ngai asi hawi. Cucaah a kiak kho lo ding, a rawk kho lo ding a hak mi (Hard Cover) kan tuah ter hna. Cun a chung cabia le sol-fa a palh ding hi kan duh lo. Cucaah voi li tiang kan printer hna i kan check ter hna. A palh mi pakhat hmanh a um lo an ti. A cauk a sides hi letter side asi. Black colour asi i, a cung title hi silver in kan tial. Cucaah kan hla cauk hi Laimi nih atu tiang cauk chuahmi ahcun a tha bik cu asi lai.

Saduhthah
Kan Hla cauk hi Lai Khuate lei tiang nih an hman khawh ding hi saduhthahnak ngei asi. Cucaah a man awl tein hlut a duh mi hna caah change kan awn piak hna. Kan mah nih hlut kan duh hna nain kan thazang nih a phan lo caah asi. A bik in Laitlang kan siaherhnak hna a chan cu Lai khua te lei hi Xerox copy nak cu chim lo typing hmanh a um lo. Cu tikah hla cauk pakhat khi zapi i kun hnawh in cawn asi. Cucaah Choir a kai mi nih uk khat cio an iput khawh ding zong hi duhsaknak ngei asi fawn.

A ran deuh in nan kan contact a hau lai zeicatiah Laillang lei caah copy kan tuah mi chung in 290 long long a tang cang. Pathian caah na pek asi pin ah ro thil pakhat na pek hna zong asi. Nan khua tiang a man lo in nangmah na min tein kan in kuat piak lai. Kan cauk hi asi ning tein i zuar sisehlaw ukkhat ah $ 30 reng lo asi hnga. Asi nain Pathian ram kauhnak asi khawhnak hnga tiah Uk khat ah $ 10 te lawng in kan ti nak hi asi.

Atang lei hi khua le ram a daw mi hna nih an hlut cia mi hna an khua le an min hna asi. Hi hna hi Canada, a bik in Ottawa Khua sa long te an si. Cun, hlu tu a ngei lo mi khua, kan vun hlat hna lai i, ka hlut te hna lai tiah promise a kan pe mi zong an um. A bik in nihin cu thanksgiving asi bantuk in “Thanksgiving” laksawng caah le Pathian ram caah tiah an pek mi hna asi bik. Pathian an tanhnak cungah Pathian nih thlauchuah a pek hrim hna lai.

Association pawl Ottawa Mino nih Hlut mi
HBA ( Hakha Baptist Association) Uk 10
TABC (Than Tlang Association of Baptist Church) Uk 10
SBA ( Senthang Baptist Association) Uk 10
ZPBA ( Zophei Baptist Association) Uk 10
LBA ( Lautu Baptist Association) uk 10
CC C ( Chin Christian College) Hakha Uk 10
Miee Peng Baptist Association Uk 10

A phuatu Lak Sawng
G. Biak Nawl Uk 1
Hniang Ceu Ling Uk 1
Nun Cung Uk 1

Private in an hlutmi hna ( Canada a um mi long te an si)
Tikir Baptist Church uk 5 :A hlu tu, Pi. Sui Chin
Lung Hau Baptist Church Uk 10--- Ahlu tu Za Hlei Thang
Hakha Khua Thar Methodist Church Uk 5--- A hlu tu A Thluai
Sakta Baptist Church uk 10--- Ahlu tu Thang Lian Mang
Tlanghrawn Baptist Church ( Hakha) Uk 10– A hlu tu Thang Lian Mang
Carson Baptist Church ( Kalaymyo) Uk 20 – A hlu tu Lily Par And San San Aye
Sopum Baptist Church Uk 5 – Ahlu tu Hlawn Kip Tial
Salem Baptist Church Uk ( Tahan- Kalaymyo) uk 5 –- Ahlu tu Hlawn Kip Tial
Sopum Baptist Church uk 5 –- Ahlu tu Pu. Tawk Thang
Tluang Ram Baptist Church uk 10-- Ahlu tu Zasang Cinzah
Tlang Rua A, B Baptist Church uk 10 ( Uk 5 ve ve)- Ahlu tu Benzamin
Aibur Baptist Church uk 10 – Ahlutu Amoskung Family
Cong Thia Baptist Church uk 20 – Ahlutu Pi. Tuan Ci
Lung Tial Sang Baptist Church (Thantlang) uk 7 – Ahlu tu Pu. Peng Thawng
Maymyo (Pin OO Lwin) Baptist Church Uk 5- Ahlu tu Pu. Sui hre
Salem Baptist Church ( Tahan) uk 10- Ahlu tu. Pi. Sui Pen
Leitak Baptist Church Uk 10 - Ngun Mg Lian
Leitak Baptist Church Uk 10 - van Hnin Thang


Contacts:
Chin Baptist Church Youth
Zasang Cinzah
President
Email: asang117@yahoo.ca
Or
Hlawn Kip Tial
Secretary
Email: maisanaye@yahoo.ca

Sport, Wedding, Niagara Falls

Dear Canada Chin

Journal tial hi ka zuam phun cu asi pah nain tu tan cu ka ba deuh rua, ka zuam set lo. Asi nain Kawi Dawt a vun tial ka rel ahkhan rel nuam ka ti ngai caah ka lung a tho than.) Cucaah tlawmpal cu vun type ve ko ning. Rel nuamh ah funny items tete hna ka vun tenh pah lai i rel nuamh ah rak ruat sawh te ko u!

Ottawa in Kitchener lei cu sport le mopuai va hman ding in motor pahnih in kan pawk hna. Advance 6 months in rak itimh cia mi asi bantuk in Kitchener kal lawng ruat asi caah riantuan zaang a tlung kho ti lo, zei kan tuah paoh ah Kitchener kong lawng te ceih asi. Cucaah a ni kan vun phak tak tak cu Kitchener lei panh in a kal mi caah cun ni lawng a chuak ko. Cu belte Ottawa i kan tanta mi hna cheukhat cu lunglen ngai in um dawh an si. Canada highways cung i motor cit cu nuam tuk hawi kaw. Cu chin chap ah Lai hla “Rua bang a tuai than ding cu silaw sung khun in kan caan cu kan hman ko hnga” ti kha ring nawn te’n kan vun chuah cu phun dang in milung hi aa let viar ko. Lunglen a thiam lem lai lo tiah ka ruat mi Pu. Khar Tawi hna a darling a ngai sup!

Kitcheners cu zan 10:20 ah kan lut. Nungak Sui Sui nih a kan dawn te lai ti kaa ruat lio ah Pa Maung le Pa Lian te pawl nih an rak kan dawn i, nungak bang kan ttang ahcun “ tang benh” cu an kan benh cio. Mmm..an ropui hi a sung te ding pawl tiah lungtling nawn lo bia khin ka ti hna. Thaizing cu 8:30 ah field “Certual” phak dih ding cun bia an kan thiam ta. Aize a tuan tuk ko lo maw? aho hman an phan kho bal lai lo tiah ka kal pah cun ka zai! Kitcheners cu Cawsa company umnak aa hngalh, ka tlun inn nih keimah rat lai thei bang, caw hmanh ah a mei ruh, cooker in an rak cuar. Cei lak ka tthut hnu ah ka it, a vitamin a pin pah caah asi lai kaa hngilh kho set lo. Kitcheners patung le tlangval final an kai khawh hi cawsa ruh rumro an rak tthua caah asi kho men.

Certual ah
Certual cu zing 8:30 bak ah kan phan, Ottawa lei cu an rak tling dih cang, nain Winterpeg le Toronto pawl belte pastor le choir he kan ra ti bang an rak phan nai sai lo. Lutlak ah Tlangval team le Ottawa team pawl cu kan chuih colh. Zei khar ah hme tam ial te ran rak kan goal manh i, Ottawa pawl kan tha a vun chuah leisang ah caan nih a kan deih ti lo ai. Cu ticun sungh ah kan cang a poi ning.

Winterpeg le Toronto cu an rak phan hlei bal lo, kan hngahnak hna ah kan mit cei dih aa tim. Ziah nizan (Friday) ah pei an rat cang ding asi cu, tiah ceih lulh cio asi. Hmm. An mawh lo mu, Laimi an si caah a ni le a caan cu zeite sawh ah maw Laimi nih cun kan rel tiah thiam ka coter hna. 1:30 p.m hnu ah an phan i, Kitchener patung pawl nih an den colh hna, an sungh beh. Ok! Bawlung chuihnak kong cu hnol diam ko ning, rule a um ko ai ee.! Thitum Puai ah choi diam usih!

Wedding Ceremony
Biak le Pa Nawl puai cu a nuam, minung kan tam, an i timh lam ning a ropui. Ka lawmpi hna. Concert a nuam, hlasak an thiam dih, kei belte bass sak kaa timh nain ka hla ka philh. Apoi ngai.. Zan ah puai tuah asi, Levi Pa nih capo phun phun a kan chim lai kan ti lio ah, misual nu tamtuk an din ter sual ai, cu tikah a ke tawisan zawng a caan ti lo, a mit kau bit zawng a tia ti lo. Zei ti awk a tha, “lu le lian le kup le ke” a tuah nak ah caan vialte a dih viar.


Kitcheners Lei ah
Kitchener cu khuate asi ko nain rian a tha cucaah tam ial te nih an fuh cang. Motors tha tha an i cawk hna i a tu lio te ahcun an feeling a san lio te asi. A caw kho cio tiah motor a tam chin lengmang. A nuam hih Kitcheners.J An nu le pawl nih bia chim thiam hna kaw, Kitcheners an fak cang ahcun Ottawa Nutung vialte kitcheners ah an lung a um dih cang. Cucaah ,
“Kitcheners Victoria Lake cu a nuai chin lengmang lai i
Ottawa river cu a fim chin lengmang lai”

Cucaah Ottawa tifim rialte a um ko nain Victoria lake a nuai peng mi ah an panh ding cu hmmm an i chir te lai ka ti ko hna.

Niagara Falls
Kitcheners cu khua fa te asi ko nain rian a tha, a umnak hmun le khuapi pawng asi, Niagara Falls le a naih fawn tikah khat ta lei cun umnak ding ah a rem ngai ngai ti khawh asi. May 22, zing cu Niagara Falls lei panh in picnic kal cu asi. Winterpeg nungak cu Thang Thang nih a motor ah a kumh diam hna ai. Ka kawl len hna nain ka hmu ti hna lo, asi nain A Tial pawng ah ka thu i ka hna a ngam. Patung he tlangval he a ka met tu belte cu an tam pah asi nain kaa thei ter lo. Kawi dawt hna tlung lei cu A Tial sin tthut a ham cia.

Niagara Falls kan phan, tisur cu zoh a dawh hrin hran. Boat hi minutes 15 chung cit asi. Minung an tam lem lo caah times extent tuah dawh an si, boat cungah kan um kha minute 15 reng lo kan um in ka theih. Niagara Falls ah sau kan um zawng kaa thei manh lo cu lio ah cun Ottawa le Kitchener Bus cu aa then ding a vun si. Winterpeg lei hna he bia ruah duh a tling rih lo, sia herh ngai in caan cu a liam ko. Ottawa pawl hman a panh kho set ti lo. Kan rat lei he cun van le vulei asi cang. Capo zawng a chim zuam ti lo. Cucaah tlai law lawi ko usih, tiah SkyLon Tower ah an kan kai pi. Skylon Tower ko khan Niagara Falls cu cuannak a rem.

Canada Chin

Canadian Chin hi Canada ram ah kan umnak hi a sau rih lo. 1997 hrawng in minung tlawm te pakhat hnih Thailand in an rak lut. 1999 in India lei in panga ruk nih an vun chap hna. Cu ticun 2002 tiang kha mitlawm te nih khua an ra sa. Asi nain Chinmi cu kan ram a that lo ruangah ram kip ah idornak hal in kan vai. Cucaah atu ahcun Chinmi hi ram kip, Norway, Demark, New Zealand, Sweden, Australia, Canada le US ah khua kan sa cang hna.

Canada ram khua a sa mi Chinmi hi atu 400 reng lo kan si cang. Tam bik cu India le Malaysia in a rak ra mi kan si hna. Chin Miphun cu Krifa kan si bantuk in kan phan nak kip ah bu kan dirh i, kan mah le kan phung lam tein Pathian cu kan biak. Canada zawng ah Ottawa, Vancouver, Kitcheners, Winnipeg, Calgary le Regina ah khua an sak hna i, kan umnak khua cio ah Krifabu kan dirh. Kan mah tein pakhat le pakhat kan i zoh khen hna, kan i bomh hna. Hi hi Miphun dang nih Chin mi an kan tluk lonak pakhat asi.

Ottawa

Canada Khuapi bik Ottawa hi Chin Miphun tambik umnak asi. Biakinn Pahnih Chin Baptist Church le Ottawa Chin Believer Fellowship a um. CBC ah members 70 hrawng an um i zarhpi ni chiar choir an remh khawh, cucaah pumh khawmh hi a nuam in a nuam tak tak ko. OCBF ah members 50 hrawng an si ve i, kan ipumh hi a hlunghlai ngai tawn. Ottawa cu khualipi bik asi bantuk in minung tlawn lennak le safety lei in Canada ah a that biknak asi. Parliament le cozah offices pawl a umnak asi bantuk in living standard a sang i, thil man zawng khua dangnak cun a fak deuh. A khua hi a dawh, tlawn lennak aa rem, a safety tikah minung zapi nih Ottawa ah khua sak cu an duh cio, cu caah Ottawa ahcun rian a har. Asi nain siangin ca cawnnak lei cun Canada ah a that biknak khua asi. Government Building, Parliament Hill, Redeu Canal War Museums, Canadian museum of civilization, tulip part ti bantuk interesting thil zoh awk tampi a um. An khua cu Ottawa river nih a kulh i winter ah skate ciknak, summer ah boats ciknak, cun river side ah bicycle ciknak ah an hman. Cu ticun nuamnak phun a tling nak hmun asi caah Ottawa cu tourist tampi kir an duh ti tawn lo.

Vancouver
Vancouver ah hin Canadian Chin second largest an umnak khua asi. Vancouver cu tlang nih a kulh i, a pawng ah lake a um pah. Vuleicung khua dawh bikah an thim a voi a tam cang. 2005 zawng ah khan Vuleicung khua dawh bik tiah an thim than rih. Vancouver cu Canada west British Columbia ah aum. Climax hi a tha, Chin State bantuk asi an ti, a kik lo, a lum fawn lo, cucaah tlawn lennak ah a nuam i mirum tampi cu Vancouver ah khuasak hi an duh. Vuleicung khua dawh bik, Canada ah weather a that biknak Vancouver ah cun Canadian Chin hi over 100 hrawng khua an sa. Cu ahcun Biakinn pakhat a um, Vancouver Chin Baptist Church. Vancouver cu 2010 ah Winter Olympic a um ding asi caah construction rian tampi a um, cucaah tam deuh cu rian an tuan hna.

Regina
Regina hi Saskatchewan ah khua lian bik asi. Chinmi tam nawn te Regina ahhin an phan nain rian tuannak a har deuh caah tam u cu khua dang ah an i thial. Regina hi Queen Elizabeth te Canada an rak luh ka i an umnak hmasa bik asi caah a khua hi a tha i a thiang hlim fawn. Cun mirum deuh le cozah riantuan deuh an umnak asi caah public rian a tlawm. A khua hi hmun hma lawng tampi a um caah Chinmi zawng cu ka ahcun tam deuh an chiahnak hna hi asi. Regina ahhin Chinmi 20 hrawng an um i, an tlawm deuh caah Biakin an ngei lo. Mirang an hawi le sinah an i pumh tawn.


Winnipeg
Winnipeg hi Manitoba Province ah khua lian bik asi. Canada chak lei deuh ah aum mi asi caah Chinmi umnak khua ahcun a kikbiknak hmun asi. A pawng te ah khuafa nawn Branson a um i cu ka zawng ahcun Chinmi an um thiam. Winnipeg ahcun Chinmi a kan daw ngaitu Rev. pakhat a um cu nihcun construction rian tuan khawhnak a hal piak hna tam nawn cu rian ahcun an lut. Khuadang lei zawng an vun chah hna i family pahnih thum cu an va kal. Cucaah Canadian Chin an va karh deuh ngai.


Calgary

Calgary hi Alberta Province ah second large asi ve. Alberta cu Canada Province vialte lak ah a rum bik mi province asi bantuk in Calgary hi rian a tam ngainak hmun asi. Calgary ahhin Canadian Chin hi 30 hrawng an um. Biakin pakhat Calgary Burmese Christian Fellowship a um. Burmese cu an si lo nain biaknak leicu ruahnak kaupi ngei a tha an ti caah asi lai cu Burmese an telh. Tam deuh cu rian an tuan.

Kitcheners
Kitchener hi Ontario Province ah a um mi asi i, khua fa te asi. Asi nain khua dang Waterloo le Cambridge kar lak ah aum i, an ipeh viar cang caah khua lianpi cu a lo deng ve. An khua thum fonh hmanh in khuapi ah a um cang mi caah cun a fa deuh rih. Cu belte khuafa te asi ko nain Bawi Pawng thut le cerhkam thlawh an ti bang, Canada ah Khua lian bik Toronto pawng ah a um i cu caah rian a tam. Toronto cu business centre asi caah a pawng kam hi companies a tam. Cucaah riantuan, hlawhfa nak ahcun Kitchener cu atha ngai ngai kha asi. Cu ti rian a tam caah Canadian Chin cu tam nawn te Kitchener ah an pem cang. Hmai lei ahcun Kitchener hi Chinmi tamnak bik khua ah a cang te lai. Krifabu pakhat, Kitchener Chin Christian Fellowship aum. Hla sak thiam le music lei a thiam mi an umnak asi caah pumh khomh hi a nuam ngai ngai. Cun rian tamnak ah a um mi hrat cu motor an ngei dih hna I, Canadian chin ahcun a standard a sang bik an si, a nuam bik zawng an si hna. Nungak belte an ngei lo caah an buai nawn.

CHIN NATIONAL DAY
Kitchener, ON

Kan Chin National Day pi cu a liam riang mang cang ko! Dam te in kan um asi ahcun hmai kum February thla 20 long ah tuah than si cang lai. Atu kum Kitchener Chin National Day cu Pathian dawtnak le lam hruainak thawng in tlamtling te in kan dih khawh.. Concert zawng ngei asi i Laimi hi kan rak men hrim ti lo, hla a sa mi paoh an aw a tha dih, a thiam lo mi te an um lo. Kitchener Cup tikah "Live Show" kan in tuah piak te hna lai, a ra lo mi cu nan i sungh asi te ko lai. Music lei hrim khua ruah har asi, Tv. Mawi te a hrim a thiam ning cu khua ruah har asi. Khat ta lei cu Kitchener hi Pathian thluachuah kan dawng ngai tiah ka lung thli tein ka rak ruat.

Kitchener cu minung tlawm te kan si rih ko nain thiamnak talent a ngei mi lawng te kan si hna, Aw-tha, Music player a thiam mi an um pin ah sport lei zawng a thiam ngai mi lawng te an si chih fawn hna. Cucaah Kitchener cu kan men ti lo.

Mah groups picture hi Kitchener miss contest ah pakhatnak a chuak mi lawng te an si hna. Fak tuk in rak zoh hna hlah u! An zapi in dancer lawng te an si hna, lam hmanh ah rock and role a thiam mi an si hna. Cucaah Kitchener Cup tik ahcun Miss Contest hna a um te ding asi ahcun Kitchener nih kan lak te lai ding hi a fiang cia ko. Tlangval ti ah Patung virgin lawng te si hna kaw, an titsa that ning hi khua ruah har an si. Pa Maung, SK, Robert, Joseph, Peng ti bantuk hna kha an si han i mitthlam hmanh in suai khawh an si pah ko.J Atu hi ca reltu hna nan thin kan phan ter pah men hna lai, thinphan ding asi lem lo, bawling chuih tikah mi ngal chuih belte an thiam ngai hna.

Cu hlan viar te Kitchener kan thiamnak hi ka rak thei bal lo i, Chin National day kan vun tuah ahhin kaa fiang. Kan Chief Guest Pu. Joseph hrim cu a ruah lo leng kan si caah maw asi hnga, khua ruah har phun nawn lawng te khin ka hei hmuh. Aa Chim awk cu tampi a um ve ko lai.

Aize! Kitchener Cup lawng te ko cu ka lung ah a chuak i, Bawlung Puai tikah cun Kitchener Movie Director Thari Pa nih special in record lak a tim. Ottawa lei Director Pu. Camau zawng an rak i tthit te theu lai va si kaw. Tu tan kan Sport cu a ro pui ko lai. Sport nak in ngeih a um deuh mi cu kan chim cia bang in Live Show! hi asi te lai. Ottawa lei aw-pawl kha hlasak ding nan rak i timh cia lo ahcun nan i chir tuk te lai. Funny Items lei si kaw, Winnipeg ah a um mi Levi pa hna rak pawt ai tim ko tiah CBC nih a chim i, rak I ngeih cio ko u! Vancouver mino hna atu hi kal ding cun an ceih cuah mah ko rua, an rat loasi ahcun an I sungh tak tak kha asi ko lai.
Kha asi ahcun Kitchener Chin National Day cu nan miss cang i, hmai kum lei lawng ah hman ding asi te lai. Cucaah Kitchener Cup cu aho hmanh miss ding asi lai lo. nan misss sual asi ahcun Live Show, Funny Item, Fellowship, Niagara Falls, Marineland, Sport, nawmhnak vialte cu nan sungh dih cik cek asi ko hnga.

CHIN NATIONAL DAY
Ottawa, Canada
By Zasang
Chin National Day cu Ottawa khuasa Chin Miphun hna nih a ni le a caan te February 20, 2006 ah Bronson Centre Hall ah hlunghlai ngai in tuah asi. February 20 cu kan Miphun ni asi bantuk in kan riantuannak ah siseh, kan siangin kainak ah siseh February 20 cu kan miphun ni hman duh ah day off lak viar asi. Miphun ni cu aho paoh nih rak sungsak cio asi bantuk in day off hi awl tein lak khawh asi. Cucaah 2006 Miphun ni cu Monday a asi ko nain weekend bantuk in minung kan tling thiam thiam. Khat ta lei in tuak ahcun Monday asi hi i lunghmuih khun ding asi in a lang, zeicatiah, kan miphun ni cu kan boss te sinah kan va chim, day off kan lak, kan siangin kainak ah kan va chim hna, day off kan lak, hi tikah khi kan chim rel mi nih khan miphun ni spirit kan ngeizia kha an langhter. Cun miphun dang zawng nih miphun ni a respect mi kan si kha an theih i, Chimmi kan si kan izahpi lo zia zawng kha a langhter fawn. Cucaah Ottawa Chinmi hna nih kan miphun ni kan hman mi hi hawi dang an hman mi he tah chunh ahcun miphun a daw khun mi kan sinak hi a lang ngai ngai.

Kan miphun ni kan hman ning cu kum dang kan tuah tawn bantuk in section pahnih in then asi. 1st section cu hram thawk thlacamnak in thawk asi i, cun statement relnak, keynote speaker, short remark, cun Chin patriotic pawl respect peknak, vote of thank in caan cu hman asi. Chief Guest ah hin Ottawa Chinese Community Co-ordinator Esther Yeung hi kan sawm. Chin Miphun hi community fa te kan si nain a kan thangthat ngai ngai. Cun bomh kan herh asi ahcun an sinah bomh hal khawh peng an si zia zawng a kan chim i thazang tampi a kan pek. Short remark a kan chimtu hi Penny McCann asi i, a mah hi SAW Video-Youth program Director of Ottawa asi. An rian tuannak le an cawlhcanghnak tampi a kan chim i thil kan theih bal lo mi tampi a kan theihter. Cun Pu. Ca Mau nih a edit mi Slideshow presentation, Laimi kan nunphung le kan tuanbia, kan sining hna cu zoh asi.

1st section a dih hin 2nd section nih a vun zulh cawlh. Miphun ni kan hman caan paoh ahhin aho paoh nih kan i ngeih cio mi cu second section hi asi. Nungak dawh, tlangval dawh an parmuai an langhter nak section asi. Miphun ni ahcun aho paoh i ttamh dih cio asi tikah nutung hmanh hi nungak ah rel sual an fawi te. Nungak chin chin cu tlangval mit ahcun a zel in an i zel ko, zoh cim lo an si ko hna. Kan Chin lam an vun lam chin chin ahcun an i rem a zual. 1st ah Falam nungak tlangval nih “Chinland Ram Nuam” cu an vun lam. Lam an thiam lawng si loin an thil thuam le an mui dawh hrim hi zoh cim lo an si ko. Miphun dang a vun kan zawh mi hna cu, an boring te sual hnga ma cu tiah thinphan in program kan thawk hlan ahcun ka thin ka rak i dawm. Laimi le a caan ah kan chuak kho fawn tawn lo cu mu, cu tikah ka lung re a rak thei nawn. Asi nain kan Chin Nungak tlangval an vun lam ahcun an i nawmh ning le an tha nuam ning hi an mit hmai ah hmuh khawh an si. Falam nungak tlangval an vun lam dih bak in Haka nungak tlangval nih Sarlam an vun peh cawlh. Haka thuam cu a rak i dawh ve hrim ko rua, nungak tleirawl tete hna nih an vun i hruk ko ahhin a dawhnak a lang khun. Lam lo in minute 10 stage cungah dir sawh sawh usihlaw cu hman ahcun mipi nih kan zoh cim men lai lo dah ti tluk khin mipi mit hmai a lang. Haka nih Sarlam an vun lam dih in Falam nungak tlangval nih Ral-lam an vun peh cawlh thanh. Stage cung in an lam cu ka zoh hna, mipi lei ka vun i mer cu miphun dang a rak kan zawmh mi ko hna khi an mithmai ah wonderful lawng te a cuan, a kan hngar ngai mi ko khi ka lawhter hna. Pu. Ni Kio Bik hrim hi, hi bantuk cultural dance show he cun a tlak. Hi caah hin pei an nu zawng a rak ngahnak asi lai hi. Kho men ah!

Ral-lam Falam nungak tlangval nih an vun lam dih cun Haka nih Bawi Kil Lam, kan pipu hna nungak tlangval an rak i hluainak cu kan vun peh cawlh ve. Nungak-tlangval karlak thlak in kan kut kan i tleih dih hna thla khat chung kan cawnmi cu kan vun lam piak hna. Stage cungah kan lam hrimhrim hi a nuam tuk in ngol duh ding khin a um ti lo. Mipi lei ka vun zoh tawn ah hin mipi cu an lang kho ti lo, camera flash le mei ceu lawng te asi ko cang. Cu lio i ka lung ah a vun chuak mi cu Chinmi kan nun phung hi hitluk in maw a rak nawmh ti kha ka lung a ka pemter.

Cultural dances kan dih cun singer pawl nih an aw-zai in an peh thiam thiam. Caan kar lak ah Lucky ticket zuhnak hna an tuah. Chin Miphun Ni ah a lucky mi cu, mi luck an si hrim hrim ko lai. 2006 Chin National Day Spirit cu mizei thinlung paoh ah hin a cam dih cio ko. A hram thawk in a dih tiang hi Movie tha tein record an kan tuah piak. Pu. Ca Mau an siangin in Video editing a cawng lio minung 5 le an saya pakhat nih video le presentation lei cu tuanvo an lak i, Video an kan lak mi hrim lung a hmui khun, kan i dawhnak te kha an khen khun lai ti a fiang ko.

Caan nih mi cu a kan hngak lo bantuk in February 20, cu a suimilam caan in a liam chin lengmang. Chin Miphun an ni sunglawi ni cu a dih lei kan panh. Caan dih ter lai cu sian cio asi lo nain caan nih a kan pe ti lo caah rawl ei dih cun 2006 Chin National day cu dih ter asi. Kan dihnak ah Bawi Kil Lam cu a kan rak zawh mi kual le lai he kan za te kut tlai in kan lam hna. Cu ti cun kan caan cu kan dih ter.



Canada Chin
Ottawa, Canada